The Otong Series : Part 3 Jual Pisang

Bismillahirrahmanirrahiim...

Zuki : e buset berat amat ini pisang. Babe lu tong kagak ada modern moderennye,masa mau merantau suruh bawa pisang,setandan lagi.

Otong : udeh lu sabar sabarin aje,bentar lagi nyampe di warung Kong Naim,kite jual dapat duwit kagak berat lagi ,deh kite bawanye. Nah tuh Kong Naim keliatan !

Zuki : assalamu'alaikum kong

Kong Naim : wa'alaikumusalam. Eh Jones, ade ape?

Otong : bujuk buneng, gaul juga ni engkong engkong,tau aje jones.

Kong Naim : (ketawa menunjukan giginya yang sudah gak lengkap) pan emang elu pade nyang belum kawin. Si mamat noh anak udeh selusin aje.

Zuki : ya kali kelinci,anak ampe selusin. Kong,aye mau jual pisang ni. Tapi Kong diem diem ye,jangan ampe babe otong tau.

Kong Naim : lu pade nyolong?! Astgahfirullah...udeh Jones ,nyolong. Dosee,kualat lu ame orang tue.

Otong : Kong naim buruk sangka aje. Kagak nyolong,kong. Ini aye ame zuki mau ke kota.dibekelin babe pisang setandan.

Kong Naim : e buset. Babe lu kolotnye kagak ilang ilang,nyang bener aje bekel pisang setandan. Ya kali mau ngebesan.

Zuki : nah,yang begini aye demen dah. Jadi laku berapa ni kong, bisa kagak buat idup sebulan di kota?

Kong Naim : lu kira jual tanah sepetak bisa buat idup sebulan. 70 rebu dah. Ini cash!

Zuki : yah kong tambahin,itung itung ngongkosin cucu

Kong Naim : bujuk, cucu kong mane ade yang ngenes kayak elu pade. Ya dah aye tambahin jadi 85 rebo. Pegimane?

Otong : boleh dah kong, mayan buat makan semur jengkol .

Kong Naim : Tong,merantau kudu prihatin, tahan dulu buat makan jengkol.jengkol lagi mahal. Mendingan makan orek tempe ,Tong.

The otong series : part 2 Berangkat

Bismillahirrahmanirrahiim

nha..akhirnya si otong mau merantau nih demi perbaikan nasib jangka panjangnya . Sedikit sedikit dulu ya ceritanya. Maklum ,aye pan mesti jualan demi perbaikan nasib juga hehe

Otong : “pegimane ye zuk,aye disuruh merantau ke kota ame babe, cari gawe”.

Zuki : “Gawe paan,Tong?”

Otong” “kagak tau,deh.Babe empet liat aye ngurusin cacing mulu'. Kate die, selamenye aye ditolak perawan kalo peganganye cacing mulu. Malu dia,anak gantengnye masih ngejomblo.”

Zuki: “ Yeileh,ganteng dari Hongkong. Iye juge ,sih,Tong. Di zaman yang serba material ini,...”

Otong: “Belibet lidah lu,materialistis...”

Zuki :”nha ntu maksud aye, Tong. Kalo kite cuman pegang cacing aje, mungkin kite orang bakal jomblo sampai kiamat kubro,Tong.”

Otong: “Tapi gawe ape ye? Aye sekole aje kagak tamat.”

Zuki : “Sale elu juga ,sih,Tong. Babe lu capek capek biayain eh madol mulu. Aye nyang mati-matian pengen sekole kagak ade biaye.”

Otong : “Eh pegimane kalo elu ikut ke kota juga. Kite berdua same same Zuk cari gawe.”

Zuki : “heh?! Eh tapi boleh juga, Tong.” Enyak babe bolehin aye kagak ye..”

Otong : “Bole,deh pasti.

Zuki : emang kapan Tong lu berangkat.

Otong : Besok pagi zuk. Tuh nyak aye udeh nebang pisang,buat bekal aye katenye.

Zuki : busyet dah, bekal pisang setandan? Ya kali mau ke besan bawa pisang setandan!

Otong : ape kate nyak babe,deh daripade kualat . Tar di pengkolan, kite jual aje pisangnya hahaha

Zuki : Aye ke rumah dulu ya, bilang enyak babe.

Malem hari di rumah Otong

Babe : elu udeh siapin ntu sarung,sajadah,peci, tasbeh?

Otong : buat ape,beh?

Babe : ye buat sholat,Tong

Enyak : Be, otong mau cari gawe,bukannye mau pindahan. Pan di mesjid nanti juga ade sajadah,nape mesti bawa sajadah,sih be.

Babe : ape kate elu dah pade. Nyang penting lu Tong jangan ampe lupain sholat,berdoa. Si Zuki jadi ngikut,Tong?”

Otong : Jadi,be.

Babe: ni pisang setandan lu pake buat bekel. Ini babe ade duwit sdikit ,lu simpen,ye. Sekarang lu istirahat,tidur, biar besok kagak kesiangan lu bangun pagi.”

Keesokan harinya ,saat hari keberangkatan otong tiba . Zuki sudah di rumah Otong sejak pagi sambil numpang sarapan. Isak tangis enyak babe otong mengiringi kepergian otong.

Enyak : baek baek ye tong,moge aje elu cepet dapet gawe,tong. Jadi cepet bisa kawin

Babe : jangan sedih ye tong elu ninggalin rumeh, buat kebaekan elu tong.sholat,jaga akhlak di luar.

Otong : iye ,nyak,be. Otong berangkat. Assalamu'alaikum. Zuk, lu angkat dah tuh pisang

Zuki : buset dah,aye lagi suruh bawa. Jadi pan ni nanti kite jual ame kong naim,tong?

Enyak babe kaget menoleh ke zuki: ape lu kate? Dijual?!

Zuki : eh ,kagak be,becanda hehe...zuki pamit ye nyak,babe. Assalamu'alaikum

The Otong Series : Part 1 Patah Hati

Bismillahirrahmanirrahiim...

Seri kisah otong akan saya tulis rutin di blog yah. Eh siapa,sih Otong? artis pendatang baru ? atau orang yang masuk DPO? Otong itu...makhluk yang ada manis manisnya gitu deh hehe. Otong adalah salah satu manusia di bumi ini yang kisah hidupnya unik ,salah satunya karena ditolak banyak perempuan. Kurang ganteng atau kurang duwit gituh? ya kayaknya karena dua duanya. Kalau ganteng banyak duwit apalagi sholeh,kayaknya gak mungkin di tolak di zaman yang harga cabe ajah di atas 100 rebo/kg atau peluang tertolaknya 0,000000000001% deh.

Otong anak betawi tapi kerjaannya bukan sembahyang mengaji kayak Si Doel. Trus apa kerjaannya?di mana tinggal tinggalnya?siapa ibu bapaknya? berapa nomor sepatunya? semua pertanyaan itu nanti akan terjawab kok di seri kisah otong ini yang insya allah akan rajin ditulis di blog ini.

Oh ya kenalin ye pemaen pemain the otong series
1. Babe Otong ,namenye Somad bin mamat
2. Enyak Otong ,namenye MpokJuleha,dipanggilnya Mpok Juju
3. Muhammad Otong bin Somad,tokoh utame ni ye
4. Zuki bin Mahmud, sohib kentel Otong dan nasibnya 11 12 dah ame si Otong
5. Muniroh,tetangge Otong,gadis pujaan gitu,deh
6. fatimeh , tetangge otong juga, pujaan otong juga ni. banyak emang gadis pujaan die,sayang aje die kagak ada yang memuja
7.Cimeng, kucing kesayangan otong
8.dll.tar aye tambahin ye, nyari wangsit dulu di tukang bakmi

Langsung aje deh ye..aye pos kisah pertame. Et dah nape jadi betawi gini ngomongnya? lha emang So otong ntu anak betawi . Ini kisah otong meratapi nasibnya yang ditilak cewek pemirsah. Silahkan dibaca dengan seksama dan penuh penghayatan yah

Otong : *gitaran * Bila yangtertulis untukmu adalah....Huhuhu...imeeh. Nape kisah cinte kite mesti begini,ye. srooot...*nyeka ingus

Enyak : Tooong, tolongin enyak!Beli oncom sepapan,ye. Ame pete 3 iket!

Otong : Apes banget naseb aye. Nape kagak bisa menghayati patah hati kayak di sinetron,sih. yang kagak-kagak aje ni si enyak, lagi patah hati suruh beli oncom.

Enyak : yeileh, elu nangis lagi? Tong tong, mangnye perawan di dunie ini cuman imeh. Ntu masih ade munaroh, ade ipeh. kagak kalah cakep ame imeh.

Otong : Aye juga mau,nyak. tapi masalahnye munaroh ame ipeh udeh nolak aye 100 kali. Cuman Imeh aje yang mau nerime aye,nyak.

Enyak : bujug buneng! muke lu kagak jelek-jelek amat tp nape naseb elu ngenes,ye tong.

Babe : *tiba2 nongol* Tong, asal elu banyak duwit, dari mpok nori sampe manohara juga bakal nyungsep ke elu, tong. Sape suruh elu males-malesan sekole. Sekarang ape coba? elu cuman jadi tukang cacing. mane ade perawan mau diumpanin cacing tiap hari? mikir tong,mikir! *nepuk nepuk dengkul*

Otong : jadi aye mesti pegimane,be?

Babe : cari kerja! keluar dari rumeh ini, lu kamane kek biar muke lu juga moncer kagak mirip muke ikan sapu sapu begitu! Bangse kite jangan kalah same pendatang,tong! Lu liat kagak Sumarno, dulu die dateng cuman bawa buntelan! Sekarang lu liat, rumah gedong,mobil bejejer. Elu pikir babe kagak nyesel,tong. nyesel tong! babe nyesel nape dulu kagak sekole,ngandelin tanah babe and enyak aje. makenye babe sekolahin elu tapi elu males-malesan.

Otong : et dah babe, aneknya ikan sapu sapu, babenye ape?

Babe : aye serius tong ! lu beli oncom ame pete trus lu ke kota. capek babe ngomong ame lu. babe ongkosin ama bawa no pisang setandan buat bekel.

Enyak : ya kali zaman si pitung bawa bekal pisang setandan!